Fréttir

Opið hús 3. desember 2016.

On nóvember 28, 2016, in Uncategorized, by thingborg
0

Laugardaginn 3. desember verður opið hús í Ullarvinnslunni og Gallery Flóa frá kl. 10.00-16.00. Í Ullarvinnslunni verður kynning á Bara-stuðningspúðum frá kl. 13.00-15.00, auk þess sem litun og önnur vinna verður í gangi. Í Gallery Flóa verður perlugerð og fleira skemmtilegt. Jólaglögg, smákökur og ljúf stemning í húsinu allan daginn. Fullt hús af fallegu og vönduðu handverki sem er tilvalið til jólagjafa.  Verið velkomin.

Wool product

Jólasveinarnir eru komnir.

OLYMPUS DIGITAL CAMERA

Skemmtilegar bækur.

Lopapeysa

Úrval af peysum

Lpapeysa

Myndskreyttar og fóðraðar húfur.

Lopapeysa

Hettutreflar.

 

 

Lopapeysa

Barnapeysur.

 

 

Nýir rokkar.

On nóvember 28, 2016, in Uncategorized, by thingborg
0

Nú hefur Ullarvinnslan fengið umboð fyrir vörur frá Schacht, en það er Bandarískt fyrirtæki sem sérhæfir sig í vörum tengdu handverki. Sjá www.schachtspindle.com. Nú eru fyrstu rokkarnir komnir til okkar og þessi verður til sýnis frá og með 1. desember og fram að jólum, en þá fer hann til nýs eiganda.

Wool product

Rokkur frá Schacht.

 

Peysusamkeppni Þingborgar, úrslit.

On júní 1, 2016, in Uncategorized, by thingborg
0

Ullarvinnslan í Þingborg í Flóahreppi fagnar 25 ára afmæli á árinu 2016 og af því tilefni efndiUllarvinnslan til peysusamkeppni. Úrslit voru kynnt laugardaginn 28. maí s.l. á sveitarhátíðinni Fjöri í Flóa.

Þema keppninnar var ,,Íslenska lopapeysan í nútíð og framtíð.“

Eftirfarandi kröfur þurfti að uppfylla til að taka þátt í þessari keppni og voru fyrirmælin þessi:

  • Peysurnar eiga að vera úr íslenskum lopa og eða bandi
  • Peysurnar verða að vera frumsamdar
  • Peysan eða mynstrið má ekki hafa birst opinberlega

Þátttakan í keppninni fór fram úr björtustu vonum, 74 peysur bárust í keppnina frá 45 þátttakendum. Þær voru mjög fjölbreyttar að gerð og lagi, flestar voru prjónaðar, en líka sást hekl og eins rússneskt hekl. Efnið var aðallega lopi af ýmsu tagi og einband, en nokkrar voru úr handspunnu bandi og ein var úr kambgarni.

Hönnuðum sem tóku þátt eru sendar bestu þakkir fyrir allar peysurnar sem bárust í keppnina. Það er ekkert endilega einfalt mál að senda frá sér peysu í keppni sem þessa, senda frá sér sitt höfundarverk sem nostrað hefur verið við bæði í hönnun og prjóni.   Það var einstaklega gaman að taka á móti þeim öllum, fjölbreytnin ótrúleg og margar gerðir. Hér eru myndir af verðlaunapeysunum, en allar peysur sem fengu verðlaun eða umsögn, auk nokkurra annarra, verða sýndar í Ullarversluninni í Gömlu Þingborg í sumar.

Dómnefnd skipuðu: Helga Thoroddsen vefjarefnafræðingur og prjónahönnuður, Guðrún Hannele Henttinen textílkennari og kaupmaður í Storkinum og Katrín Andrésdóttir dýralæknir og prjónahönnuður. Niðurstöður nefndarinnar voru eftirfarandi:

1.  sæti:

,,Amma löng“ Hekluð peysa

Höfundur: Lilja Dröfn Dagbjartsdóttir, Reykjavík

Listin að hekla hefur gengið í endurnýjun lífdaga. Sérstaklega er ánægjulegt að fylgjast með unga fólkinu nýta þessa nánast

afskrifuðu aðferð til að skapa nýjar útgáfur af fatnaði og öðrum nytjahlutum.

Lopapeysa

Amma löng

Þessi peysa sýnir nýja og spennandi útfærslu á hefðbundnu lopapeysunni,

berustykkið í fallegu „lopapeysumynstri“, nostrað hefur verið við smáatriðin

og handbragðið vandað.

Peysan er því mjög góður fulltrúi fyrir framtíðina og unga handverksfólkið.

2. sæti.

,,Línurit“ Handspunnið og jurtalitað

Höfundur: Maja Siska, Skinnhúfu

Fyrir aldarfjórðungi var Þingborg í fararbroddi vakningar í ullarvinnslu. Handverksfólk um allt land fór að kanna

Lopapeysa

Línurit

möguleika íslensku ullarinnar og margir náðu mjög góðum tökum á spuna og jurtalitun.

Þessi peysa sýnir möguleikana á notkun á handspunnu bandi og jurtalituðu bandi. Óvenjulegt og skemmtilegt sniðið dregur fram sérkenni handspunna bandsins og jurtalitaða bandið grípur líka augað.

Peysan er því mjög góður fulltrúi fyrir líf og starf Þingborgar í aldarfjórðung.

3. sæti.

,,Flóastelpa“ Hefðbundin lopapeysa

Höfundur: Ingibjörg Helga Guðmundsdóttir, Selfossi

Flestir eiga amk eina „hefðbundna“ lopapeysu. Þegar betur er skoðað þá er engin lopapeysa hefðbundin, sniðin breytast,

Lopapeysa

Flóastelpa

mynstrin og litavalið sömuleiðis. Ýmis smáatriði eins og stroff og hálsmál setja líka svip á peysurnar.

Þessi peysa sýnir lopapeysu eins og flestir vildu eiga, fallegt lágstemmt mynstur, litavalið smekklegt, hálsmálið fallegt og þægilegt og handbragðið til fyrirmyndar.

Peysan er því mjög góður fulltrúi fyrir fallegu lopapeysuna sem flestir vilja klæðast í dag.

3 peysur til viðbótar fengu aukaverðlaun:

Þórir

Höfundur: Rúna Gísladóttir, Seltjarnarnesi

Stílhrein en einnig nokkuð óvenjuleg og fallega hönnuð peysa þar sem saman fara góðar litasamsetningar og sterk grafísk munstur auk þess sem peysan er afar vel prjónuð. Flott snið og góður frágangur.

Sinfónía

Höfundur: Rúna Gísladóttir, Seltjarnarnesi

Afar metnaðarfull og fallega hönnuð peysa sem greinilega hefur verið lögð mikil vinna í. Flott munsturprjón og einstaklega fallegar litasamsetningar þar sem mildir jurtalitir fá að njóta sín til fulls. Óvenjuleg og eftirtektarverð peysa

Lopapeysa

Sinfónía, Þórir og Máni neðst á mynd

með aðeins gamaldags yfirbragði en sómir sér þó vel í nútímanum.

Máni

Höfundur: Eygló Lilja Gränz, Selfossi

Vel prjónuð peysa með flottu sniði. Litasamsetningar eru óhefðbundnar en ganga vel upp og gefa peysunni skemmtilegt yfirbragð. Gott samræmi í litavali, sniði, munstri og hönnun.

 

 

Spunadagur í Þingborg.

On maí 2, 2016, in Uncategorized, by thingborg
0

Spunadagur.
Nú ætlum við að endurtaka leikinn frá því snemma í apríl og hafa aftur spunadag í Þingborg næsta fimmtudag, á uppstigningardag 5. maí. Tvær nýjar gerðir af rokkum eru komnar í búðina og allt fullt af fylgihlutum fyrir rokka, kembivélar og fl. Við byrjum daginn kl. 10.00 og verðum til kl. 16.00. Leiðsögn í spuna á rokka og halasnældur, kembing á handkamba og Louet kembivél. Eigum saman skemmtilegan dag í skemmtilegu handverki og allir eru velkomnir að líta til okkar í Ullarvinnslunni Þingborg.

 

Peysusamkeppnin.

On maí 1, 2016, in Uncategorized, by thingborg
0

Nú er heldur betur að styttast fresturinn til að skila inn peysum í peysusamkeppnina og seinasti dagur til að setja peysur í póst er 13. maí. Nú þegar hafa borist fjölmargar peysur og þetta verður mjög spennandi og skemmtilegt.

Verðlaun fyrir 3 bestu peysurnar eru t.d. gjafabréf, Þingborgarlopi, Þingborgarband, hnyklaskálar frá Gallerí Flóa og fl.

Ekki  missa af þessari skemmtilegu keppni, enn er tími til stefnu.

 

Ný sending frá Louet.

On apríl 30, 2016, in Uncategorized, by thingborg
0

Við vorum að fá nýja sendingu frá Louet. Fengum 2 nýjar gerðir af rokkum, Victoria og Olivia, kembivélar, kamba og ýmsa fylgihluti fyrir spuna. Sjá verð undir flipanum ,,Búðin“.

 

Dómarar í Peysusamkeppni

On apríl 11, 2016, in Uncategorized, by thingborg
0

Dómnefndin í Peysusamkeppninni okkar í Þingborg er svona skipuð: Helga Thoroddsen vefjarefnafræðingur og prjónahönnuður, Katrín Andrésdóttir f.v. héraðsdýralæknir og prjónahönnuður og Guðrún Hannele Henttinen textílkennari og kaupmaður í Storkinum.

Það eru farnar að streyma inn peysur í keppnina, Ullarvinnslan hvetur hönnuði og prjónafólk til að vera með í þessari skemmtilegu keppni.

 

Opinn spunadagur.

On apríl 1, 2016, in Uncategorized, by thingborg
0

Laugardaginn 2. apríl verður opinn spunadagur í Ullarvinnslunni í Þingborg. Nú gefst fólki tækifæri til að prófa færni sína í að spinna á rokk eða halasnældu og nóg er af efni til spuna. Líka tilvalið að koma með rokkinn sinn og vera með. Allir velkomnir og heitt á könnunni allan daginn, byrjum kl 10.00 og verðum að til 16.00.

 

 

Skotlandsferð.

On mars 13, 2016, in Uncategorized, by thingborg
0

Mánudaginn 14. mars höldum við Þingborgarkonur í víking til Skotlands í tilefni af 25 ára afmæli Ullarvinnslunnar. Þar hyggjumst við heimsækja góða vini okkar og fara á Edingurgh Yarn Festival. Verslunin verður opin fimmtudaginn 17. og föstudaginn 18. mars en lokað verður laugardaginn 19. mars.

Because of our trip to Scotland this week, the shop will be closed on Saturday the 19th of March, open Thursday and Friday as usual.

Lopapeysa

Mynd tekin í Dalmally í ferð Þingborgarkvenna til Skotlands 2013.

 

Peysusamkeppni 2016

On febrúar 25, 2016, in Uncategorized, by thingborg
0

Ullarvinnslan Þingborg í Flóahreppi fagnar 25 ára afmæli á þessu ári og af því tilefni efnir Ullarvinnslan til peysusamkeppni.

Þema keppninnar er ,,Íslenska lopapeysan í nútíð og framtíð.“

Eftirfarandi kröfur þarf að uppfylla til að taka þátt í þessari keppni:

  • Peysurnar eiga að vera úr íslenskum lopa og eða bandi
  • Peysurnar verða að vera frumsamdar
  • Peysan eða mynstrið má ekki hafa birst opinberlega

Peysur skulu vera merktar með auðkennisnafni, umslag merkt sama nafni fylgi með og það innihaldi upplýsingar um höfund peysunnar. Heimilisfang keppninnar er: Ullarvinnslan Þingborg, ,,Peysukeppni“,  Gamla Þingborg, 801 Selfoss.

Verðlaun verða í boði fyrir 3 bestu peysurnar að mati dómnefndar, sem verður skipuð valinkunnu fólki, t.d. á sviði handverks og hönnunar. Að auki munu 10-15 aðrar peysur sem þykja með þeim bestu fá  aukaverðlaun.

Seinasti dagur til að senda inn peysur er 13. maí 2016 og verða úrslit kynnt á sveitarhátíðinni ,,Fjöri í Flóa“ í Flóahreppi, sem haldin verður helgina 27-29 maí 2016. Allar innsendar peysur verða á sýningu í Félagsheimilinu Þingborg í Flóahreppi umrædda helgi og síðan verður sýningin færð yfir í Gömlu Þingborg þar sem Ullarvinnslan er til húsa, þar verða valdar peysur til sýnis til loka ágúst 2016. Að loknum sýningum verða peysurnar sendar aftur til höfunda þeim að kostnaðarlausu.

Ullarvinnslan hvetur hönnuði og prjónafólk til að sýna hvað í því býr og taka þátt í þessari skemmtilegu keppni, leyfa hugmyndafluginu að ráða og vera óhrædd að vera með.

Upplýsingar um keppnina er einnig að finna  á www.facebook/thingborgull og í s. 482 1027 og 846 9287, tölvupóstur: gamlathingborg@gmail.com.