Wool

Þingborgarkonur ásamt menntamálaráðherra.

 

Þingborgarkonur ásamt fulltrúum Sólheima sem líka fengu viðurkenningu.

Þingborgarkonur ásamt fulltrúum Sólheima sem líka fengu viðurkenningu.

Fimmtudaginn 10. desember  fengum við Þingborgarkonur Gæðaviðurkenningu Erasmus+ fyrir framúrskarandi Evrópuverkefni.
Um verkefnið segir m.a. á vef Rannís:
,,Verkefnið Fegurð hannyrðanna (Beauty of Textile Handwork, skst. BOTH) á vegum Þingborgar Ullarvinnslu snerist um að halda gamlar handverksaðferðir í heiðri og endurvekja þær til lífs í nútíma fatahönnun og framleiðslu. Hefðirnar voru kynntar í samstarfslöndunum Slóvakíu og Skotlandi auk þess sem aðstandendur verkefnisins hér á landi tóku þátt í og undirbjuggu sitt eigið námskeið. Auður Hildur Hákonardóttir segir tilgang verkefnisins þó ekki síst hafa verið að styrkja innviði Þingborgar.
Tölur sýna að verkstæðið og verslunin, sem þar af leiðandi

Þetta er listaverkið sem við fengum sem viðurkenningu. Það var unnið af nemendum í Listahálskóla Íslands.

Þetta er listaverkið sem við fengum sem viðurkenningu. Það var unnið af nemendum í Listahálskóla Íslands.


skiptir töluverðu máli í sínu umhverfi og samfélaginu, hefur
styrkst og eflst umtalsvert á síðustu tveimur árum. Samband
hefur haldist við skosku þátttakendurna og ferð til þeirra
var skipulögð á eigin vegum. Innri styrking hópsins varð að
veruleika og sá styrkur skilar sér út í samfélagið.
Verkefnið leiddi af sér ýmsa skemmtilega viðburði þ.á.m.
samkeppni í húfu- og hattagerð, námskeið í pappírsgerð
úr villigrasi sem endaði á listsýningu í Norræna húsinu og
svo tókst samvinna með einum skoska þátttakandanum og
íslenskum grunnskólakennara um aðstoð við farandsýningu.“

Þessar myndir voru teknar nú seinnipartinn í Ásmundarsafni við Sigtún, þar sem 10 viðurkenningar voru veittar fyrir hin ýmsu verkefni. Hægt er að lesa um þær á vef Rannis,www.rannis.is.
Myndin sem Þingborg fékk sýnir vel hvernig þessi þrjú þátttökulönd eru tengd saman, brú milli landa.
Það var stórkostlegt að taka þátt í þessu verkefni og eftirsjá að því skuli vera lokið. En í mars n.k. munum við Þingborgarkonur fara til Skotlands og hitta kæra vini okkar þar, því eftir þetta verkefni eigum við góða vini í báðum þessum löndum, það er einmitt eitt af því sem þetta verkefni skilur eftir sig, ný vinátta hefur orðið til og áfram verður miðlað þekkingu á handverki.