Sumar í Þingborg

Eftir rúman mánuð fer hópur frá Gömlu Þingborg á Pakhusstrik í Kaupmannahöfn og verður þar með fyrirlestur um Þingborg og kynningu á þeim vörum sem þar fást og starfseminni í húsinu.
Í sumar hafa svo bæst við margar prjónakonur í hópinn og eru peysurnar frá þeim strax farnar að seljast. Nú er búið að lita fullt af Lárubandi en það er frekar gróft íslenskt ullarband sem keypt var af Ullarvinnslu frú Láru á Seyðisfirði. Katrín Andrésdóttir litaði bandið svona skemmtilega. Það koma inn nýjar vörur og fallegar peysur í hverri viku.